Рэцэпт віна з вішняў, вельмі просты.

На 3 кг вішні – 3 кг цукру ў суме, 3 літры вады. Добра месціцца ў 10-літровы бутыль.

Нямытыя вішні закідваем у бутыль, заліваем ахалоджаным цукровым сіропам (недзе палова ўсяго цукру) на ўвесь аб’ём вады.

Закрыць бутыль можна спярша проста чыстай анучкай, плотна скамячыўшы яе і запхнуўшы ў горла – бо першыя тыдзень-два браджэнне вельмі актыўнае. Пасля (ці адразу) – вадзяны затвор.

Калі браджэнне трохі сцішыцца – дадаць астатні цукар. Распусціць яго ў невялікай колькасці віна з бутыля.

Чакаем, пакуль браджэнне скончыцца, разліваем у бутэлькі. Бутэлькі ў падвал на бок на некалькі месяцаў.

П’яную вішню, што засталася ў бутылі, таксама можна спажываць у розным выглядзе.