Пешаходны мост паміж Серабранкай і Чыжоўкай зараз выглядае так.
Дакладней – гэта два масты.
Поўнасцю сталёвы ідзе ад Серабранкі да невялікай выспачкі пасярод рэчкі.
Ад выспы да Чыжоўкі ідзе пантонны мост, ён плавае. На фотках бачна, што ў гэтага другога моста драўляная падлога.
З боку Чыжоўкі бераг ля моста даволі круты.
Continue reading
Некалькi разоў на вочы траплялася iнфармацыя пра дзiвосную прыгажосць Сарачанскiх азёраў.
Я вывучыў пару справаздачаў тых, хто катаў раней. Спланаваў прыкладна месца начлегу. Ну i вырашыў рушаць у апошнi дзень жнiўня. Яшчэ захоўвалася тэарэтычная надзея пакупацца дзе-нiдзе (лета ж пакуль).
Continue reading
Нашаму балоту Копыш пашчасціла трапіць у праграму аднаўлення балот.
З 2014 года праведзены шэраг работ згодна гэтай праграме.
Асноўнае, наколькі я зразумеў – трэба спыніць сцёк вады з балота. Дзеля гэтага перакрываюцца (перакопваюцца) некалі пабудаваныя меліярацыйныя каналы – вада застаецца ў балоце.
Continue reading
Мост цераз раку Талька каля вёскі Талька зараз выглядае вельмі маляўніча.
Некалі быў звычайны драўляны мост. Падобна, згніў. А з яго парэшткаў зрабілі гэтае нешта.
Возера Грымячае у лесе каля Талькі змешчана гэтак, што каля яго можна прайсці па лесе і возера не заўважыць.
Сілкуецца балотам і крыніцамі.
Вада бурштынавага колеру, як, напэўна, ва ўсіх балотных азёраў.
Уваход у ваду ёсць толькі ў адным месцы. Ён нязручны, але ён ёсць.
Continue reading
На гары Маяк у тым годзе пабудавалі вежу. Таму краявіды на Струста і Снуды сталі яшчэ прыгажэйшымі.
P.S. Уваход на вежу каштуе 3BYN, не пакідайце грошы ў машыне.
Днямі я такі даехаў да турстаянкі Ручай на Браслаўшчыне.
Гэтым разам справа не запатрабавала супер-намаганняў: ад Акменіцы і назад – каля 45 км уздоўж двух азёраў.
Турыстычная стаянка Ручай на возеры Снуды даволі невялікая – толькі 6 месцаў. Прычым шостае змешчана так, што там ніхто стаяць не хоча – там праход да вады, увесь час нехта соўгаецца.
Да вады трэба ісці па дошках – бо балота.
Бераг прыгожы, жоўты пясочак. Уваход ў ваду вельмі павольны. Мяркую, для дзяцей вельмі зручна. Вада – чысцюткая.
Continue reading
Аказваецца, на Браслаўшчыне ёсць вельмі нават цывільная турыстычная стаянка – Перацяг. Знаходзіцца на невялікім лапіку зямлі паміж азёрамі Струста і Снуды – можна купацца ў абодвух.
Арыентаваная болей менавіта на пляжны адпачынак, а не на рыбакоў, як шмат дзе яшчэ.
Continue reading
